Onlayn ictimai-siyasi qəzet
Dayısını bıçaqladıqdan sonra domino oynamağa gedib - CİNAYƏTİN TƏFƏRRÜATI
Tüfeyli həyat tərzi sürən 19 yaşlı şəxs dayısını bıçaqlayıb. Buna səbəb dayısının ona yaşadığı həyat tərzinə görə irad bildirməsi olub. O, daysısını bıçaqladıqdan sonra domino oynamağa gedib. Polislə onu domino oynadığı yerdə saxlayıblar.
Musavat.com xəbər verir ki, Oruc dayısı Samiri bıçaqlayıb. Oruc tüfeyli həyat tərzi sürdüyü üçün evə getmirmiş. Dayısı onun yanına gələrək niyə evə getmədiyini, anasının narahat olduğunu deyib. Oruc isə onun işinə qarışmamasını tələb edib.
Bu zaman dayısı Oruca “cındır, evə niyə getmirsən” deyib. Oruc dayısını təhqir edərək onunla dava edib.
Dava zamanı Oruc bıçaqla dayısına xəsarət yetirib və hadisə yerindən qaçıb.
Oruc narkotik istifadəçisi olub. Ailəsi onu bu həyatdan xilas etmək üçün iki dəfə reablitasiya mərkəzinə də yerləşdirib. Lakin Oruc bu müalicələrə müsbət yanaşmayıb və tüfeyli həyat tərzini davam etdirib.
Zərərəçəkmiş dayı deyib ki, Orucun hərəkətlərindən bezdikləri üçün ona xəbərdarlıq etməyə gedib:
“Orucun anasını və bacısını öz evimə gətirdim. Oruc evə gəlmirdi, normal həyat yaşamırdı”.
Dayı onu bıçaqlayan Orucu bağışladığını deyib. Oruc isə əməlindən peşman olduğunu deyərək dayısından üzr istəyib.
Məhkəmə Orucu qəsdən sağlamlığa ağır zərər vurma ittihamı ilə təqsirli ilərək 3 il müddətinə azadlıqdan məhrum edib.
İ.Muradov,
Musavat.com
XƏBƏR LENTİ
22 Iyun 2025
ŞƏRHLƏRŞƏRH YAZ