Onlayn ictimai-siyasi qəzet
Çindən Rusiya və Belarusa zərbə: Tariflər kəskin qaldırıldı
Çin Rusiyaya yükdaşıma tariflərini kəskin şəkildə qaldırmaq qərarına gəlib.
Musavat.com Rusiya mətbuatına istinadən xəbər verir ki, Çindən Rusiya və Belarusa birbaşa dəmir yolu ilə yükdaşıma tarifləri təyinat məntəqəsindən asılı olaraq 500-800 ABŞ dolları, dəniz yükdaşıma tarifləri isə 800-1500 dollar artıb.
Artım Çin tərəfinin təşəbbüsü ilə həyata keçirilib. Daşıyıcı şirkət nümayəndələri bunu Çində pulsuz konteynerlərin sayının azalması və sərhəddə yaranan böyük tıxaclarla əsaslandırırlar.
“İnfotrans Media Belarus” nəqliyyat və logistika portalı qeyd edir ki, Çindən gələn gəmilərdə artıq boş yer qalmayıb. Göndərmə xətləri yalnız cari ayın sonu və iyunun əvvəlində vakansiya təklif edir.
2023-cü ilin sentyabrında Rusiyada Çindən gələn 150 minə yaxın konteynerin yığıldığı bildirilirdi. Bu vəziyyət ticarət balansının pozulması səbəbindən yaranıb. Çin mallarının çatdırılmasından sonra əks istiqamətdə daşınacaq heç bir şey olmadığından konteynerlər boş yığılıb qalıb.
Qeyd edək ki, son aylarda Çin Rusiyaya avadanlıq tədarükünü kəskin azaldıb. 2024-cü ilin aprelində məlum oldu ki, Çindən Rusiyaya maşın, avadanlıq və mexanizmlər, onların hissələri və aksesuarlarının birbaşa tədarükü mart ayında kəskin azalıb. Çin Baş Gömrük İdarəsinin məlumatına görə, azalma 15 faiz olmaqla ixrac həcmi 2,9 milyard dollar təşkil edib. Qeyd olunub ki, bu məhsul kateqoriyasında ixracda azalma 2022-ci ilin sonundan bəri ilk dəfə baş verib.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ