İnsanlara hürriyət, millətlərə istiqlal!

Ciddədə CİDDİ MÜZAKİRƏ - Bəşər Əsədin taleyi necə olacaq?

Ərəb ölkələrinin nazirləri və yüksək səviyyəli nümayəndələri dünən Səudiyyə Ərəbistanının Ciddə şəhərində Suriya lideri Bəşər Əsədin taleyini müzakirə etmək üçün bir araya gəliblər.

Musavat.com xəbər verir ki, Səudiyyə Ərəbistanının çağırışı ilə Qırmızı dəniz sahilində yerləşən şəhərə Bəhreyn, Küveyt, Oman, Qətər, Birləşmiş Ərəb Əmirlikləri, Misir, İraq və İordaniyadan olan nümayəndələr toplaşıb.

Tərəflər 2011-ci ildə vətəndaş müharibəsi başlayandan sonra Ərəb Ölkələri Liqasından uzaqlaşdırılan Əsədin geri qayıtmasını müzakirə ediblər. Ötən çərşənbə günü 2011-ci ildən sonra ilk dəfə Suriya xarici işlər nazirini qəbul edən Səudiyyə Ərəbistanı Əsədin Ərəb Ölkələri Liqasına qayıtmasının tərəfdarıdır.

Qətər isə belə bir addımın əleyhinə olduğunu bəyan edib.

Əsədin regional aktyorlar arasına rəsmən qayıtması üçün bu qətnamə Ərəb Ölkələri Liqasının may ayında Səudiyyə Ərəbistanında keçiriləcək iclasında səsə qoyulmalıdır. Əsədin qayıdışına doğru addım Qərb paytaxtlarının reaksiyasına səbəb olsa da, bölgə ölkələri Suriya liderinin onların arasına qatılması üçün razılığa gəlməyə yaxındırlar.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

08.10.2024 86

İsrailin hərbi kəşfiyyat bazası vuruldu - Video
08.10.2024 71

“HƏMAS”ın rəhbəri sağdır
08.10.2024 78

İsrail Təl-Əvivə ballistik raketlər atıldığını bildirdi - VİDEO

XƏBƏR LENTİ

08 Oktyabr 2024

07 Oktyabr 2024

BÜTÜN XƏBƏRLƏR