Onlayn ictimai-siyasi qəzet
"CHP-li sədrin 24 aprellə bağlı paylaşımı ağır nəticələr doğura bilər"
“Kaftancıoğlunun bu sözləri CHP-nin iqtidar olacağı təqdirdə "erməni soyqırımı"nı tanıyacağı mənasına gələ bilməz. Birincisi, Kaftancıoğlu CHP-də qərar verən şəxs deyil, partiyanın İstanbul təşkilatının sədridir. İkincisi, CHP Atatürkün partiyasıdır. Bu təşkilatın belə bir qərar verməsi üçün hər hansı bir səbəb yoxdur”.
Bu fikirləri Musavat.com-a siyasət yazarı Kənan Rövşənoğlu deyib.
O qeyd edib ki,Türkiyə dövləti soyqırımı iddialarını rədd edir və bu siyasəti CHP də dəstəkləyir: “Belə bir addım atması CHP-nin özü üçün, yəni hakimiyyət üçün ağır nəticələr doğura bilər. C.Kaftancıoğlunun erməni əsilli olması ilə bağlı zaman-zaman iddialar ortaya atılıb. Mümkündür ki. onun özü bunu istəsin, amma bu bütövlükdə CHP-nin və onun qurduğu siyasi blokun mövqeyi deyil. Görünür ki, seçki prosesi olduğu üçün bu cür açıqlamalar ictimaiyyətdə reaksiya doğurur”.
Xatırladaq ki, Türkiyənin Cümhuriyyət Xalq Partiyasının İstanbul təşkilatının başçısı Canan Kaftancıoğlu Tvitterdə paylaşımında "23 apreldən sonrakı gün hansıdır? Bilmək istəməyənlər üçün ipucu: 1915" deyə yazıb.
CHP-nin məsul şəxsinin paylaşımı sosial mediada və Türkiyə mediasında qınağa səbəb olub.
Nigar Həsənli,
Musavat.com
XƏBƏR LENTİ
07 Oktyabr 2024
ŞƏRHLƏRŞƏRH YAZ