Onlayn ictimai-siyasi qəzet
Buna görə əli cibində atəş açırmış
Fransada keçirilən Yay Olimpiya Oyunlarında pnevmatik tapança ilə atəşaçma yarışının finalına yüksələrək gümüş medal qazanan Türkiyəli idmançı Yusif Dikeçi qazandığı uğurun sirrini paylaşıb.
Musavat.com oxu.az-a istinadən bildirir ki, 51 yaşlı türkiyəli idmançı "Radyo Gol" saytına mövzu ilə bağlı açıqlamasında söyləyib ki, o, hər iki gözü ilə sərrast atəş açmağı bacarır.
"Mən hər iki gözlə atəş açıram, əksər atıcılar bunu bir gözlə edir. İki gözlə atəş açmaq, məncə, daha yaxşıdır. Bunun üzərində çox araşdırma aparmışam, ona görə də avadanlığa ehtiyacım yox idi", - deyə o bildirib.
Yusif Dikeçi əli cibində atəş açmağına da toxunub:
"Əlimi cibimə qoyaraq atəş açmağımın artistliklə heç bir əlaqəsi yoxdur. Mən bu zaman daha motivasiyalı oluram və özümü daha rahat hiss edirəm. Əslində bu, bədənin tarazlığını təmin etmək və diqqətimi cəmləşdirmək üçündür", - deyə Yusif Dikeçi açıqlamasında vurğulayıb.
XƏBƏR LENTİ
20 Sentyabr 2024
ŞƏRHLƏRŞƏRH YAZ