Onlayn ictimai-siyasi qəzet
Bu tarixlərdə maqnit qasırğası olacaq - Əhalinin DİQQƏTİNƏ!
Son sutka ərzində Günəş fəallığı yüksək səviyyədə olub.
Bu barədə Musavat.com-a BDU-nun Astrofizika kafedrasından məlumat verilib. Bildirilib ki, avqustun 14-dək Günəş aktivliyinin orta və yüksək səviyyədə, alışmaların isə orta güclü olacağı gözlənilir:
"Günəş küləyi parametrləri 7 avqustda baş vermiş tac kütlə atılmasının təsiri hesabına artıb. Hazırda geomaqnit sahə CME təsirlərinə cavab olaraq G1 və G2 səviyyəli qasırğa şəraitindədir. 13-14 avqustda CME effektləri azaldıqca geomaqnit sahənin normal fon şəraitində olacağı, fasilələrlə isə fəal şəraitin davam edəcəyi proqnozlaşdırılır".
Məlumatda həmçinin qeyd olunub ki, belə maqnit qasırğaları Yerin eko, bio və texnosistemlərinə öz mənfi təsirini göstərir:
"Bundan başqa, maqnit qasırğalı günlərdə risk qrupuna daxil olan xəstələrin, əsasən ürək-damar və digər xroniki xəstəlikləri olan yaşlı insanların səhhətlərində müəyyən narahatlıq-diskomfort halları arta bilər. Belə hallar adətən impulsiv baş ağrıları, qan təzyiqinin yüksəlməsi, miqren ağrılarının və halsızlığın artması şəklində özünü göstərir. İnsanlara təşvişə düşmədən həkim nəzarəti altında profilaktik tədbirlər görmələri, fiziki və psixoloji yüklənməni azaldaraq fəal istirahətə üstünlük vermələri tövsiyə olunur".
XƏBƏR LENTİ
25 Noyabr 2024
ŞƏRHLƏRŞƏRH YAZ