Onlayn ictimai-siyasi qəzet
Bu da gözəl Başlıbel dağları... - FOTOLAR
“Bu da gözəl Kəlbəcər dağları, hər tərəf dağ, çay, meşə, cənnətməkan”.
Erməni işğalından azad edilən Kəlbəcər rayonuna ilk səfəri zamanı Azərbaycan Prezidenti İlham Əliyev Kəlbəcəri bu cür təsvir etmişdi. Bəli, məhz cənnətməkan. Adı artıq bütün Azərbaycanda məşhurlaşan, BMT tribunasında səsləndirilən cənnətməkan Başlıbel əsrarəngiz gözəlliyi ilə seçilir.
Başlıbel 18 aprel 1993-cü ildə Ermənistan silahlı qüvvələrinin dinc əhalinin qətliamını həyata keçirdiyi, dəhşətli faciələrin yaşandığı kənd kimi daha çox tanınır.
“Yeni Müsavat”ın Başlıbeldən olan əməkdaşı Etibar Seyidağanın doğma kəndinin dağları, meşələri, yaylaqlarından çəkib təqdim etdiyi fotolar isə bu qədim yurdumuzu həm də gözəlliklər diyarı kimi tanıdır.
Qeyd edək ki, Başlıbel Kəlbəcər rayonunun ən qədim və böyük kəndlərindən biridir. 7659 hektar ərazisi olan kənd iki dağ çayının qovuşduğu yerdə, Dəlidağın ətəyində yerləşir. Başlıbel kəndinin tarixi xeyli qədim olsa da, tam öyrənilməyib. Kənd ağsaqqallarının sözlərinə görə, Başlıbelin hazırkı sakinlərinin babaları kənd ərazisində təxminən XVII əsrdə məskunlaşıb. 1993-cü ilin aprelində kənd Ermənistan tərəfindən işğal olunub. 2020-ci ildə 44 günlük Vətən müharibəsi Başlıbel kəndinin də azad edilməsi ilə nəticələnib.
Etibar Seyidağa,
Musavat.com
XƏBƏR LENTİ
24 Noyabr 2024
ŞƏRHLƏRŞƏRH YAZ