Onlayn ictimai-siyasi qəzet
Azərbaycandan Bolqarıstana qaz ixracı bərpa olundu
Azərbaycandan Bolqarıstana qaz ixracı bərpa olunub.
Musavat.com xəbər verir ki, məlumatı Bolqarıstanın dövlət təbii qaz tədarükçüsü olan “Bulgargaz” şirkəti yayıb. Məlumatda qeyd olunur ki, texniki səbəblərə görə yanvar ayında müvəqqəti olaraq dayandırılan qaz nəqlini Azərbaycan bu gün bərpa edib.
Xəbər verdiyimiz kimi, “Bulgargaz” ötən həftə Azərbaycanın texniki səbəblərdən yanvarın 7-dən etibarən Bolqarıstana qaz nəqlini müvəqqəti dayandırdığını açıqlamışdı. Şirkət tədarükün yanvarın 11-də bərpa olunacağını bildirsə də, yanvarın 10-da Britaniyanın BP şirkəti “Şahdəniz Alfa” platformasından Səngəçal terminalına kondensatın nəqli üçün nəzərdə tutulmuş boru kəmərində texniki nasazlıq barədə məlumat yayıb. Problem aradan qaldırılana qədər platformadan hasilatın dayandırıldığı açıqlanıb.
BP-Azərbaycan şirkəti yanvarın 18-i axşam kondensat boru kəməri ilə bağlı problem tam aradan qaldırıldıqdan sonra “Şahdəniz Alfa” platformasında hasilatı bərpa etdiyini açıqlayıb.
Qeyd edək ki, platformadan hasilatın dayandırılması Azərbaycan qazının Bolqarıstan və Serbiyaya nəqlinə təsir göstərmişdi.
Musavat.com
XƏBƏR LENTİ
20 Yanvar 2025
ŞƏRHLƏRŞƏRH YAZ