Onlayn ictimai-siyasi qəzet
"Azərbaycanda autizmin kəskin artmasının səbəbi budur..." - Pediatrdan ŞOK AÇIQLAMA
“Dövrümüzün bəlası autizm bütün dünyada sürətlə artır. Rəsmi statistikaya görə, Azərbaycanda təxminən 3000 autist uşaq var. Qeyri-rəsmi isə bundan dəfələrlə çoxdur”.
Musavat.com bildirir ki, bu barədə pediatr Vaqif Qarayev deyib.
Pediatr qeyd edib ki, autizm diaqnozu qoyulan uşaqların sayının çox olmasının səbəbi psixoloqların cüzi davranış pozğunluğu olan uşaqlara bu diaqnozu qoymasıdır.
Vaqif Qarayev həmçinin autizmin səbəbi haqda bildirib:
“Autizmin səbəbi barədə dəqiq fikir yoxdur. Olanlar da hipotetik şəkildədir. Bir vaxtlar peyvəndi günahkar bilirdilər, alınmadı. Çünki dünyada xeyli sayda peyvəndsiz autist var. İndi autist uşaqların qan dəyərlərində ağır metalların olmasına diqqət çəkilir. Bu, ağlabatandır. Bəlkə analar ağır metalla zəngin qidalar qəbul etdiyinə görə uşaq autist doğulur. Nə etmək lazımdır? Uşaq doğulandan sonra qanda ağır metalların müayinəsi aparılsa yaxşı olar ki, vaxtında tədbir görülsün.
2 yaşlı uşaqların inkişaf parametrlərini dəyərləndirmək üçün pediatr mütləq psixoloq və psixiatrla məsləhətləşməlidir. Uşağa telefon vermək düzgün deyil. Onunla daim danışmaq lazımdır. Diqqətini çəkən oyuncaqlar almaq, maraqlı olan filmləri göstərmək lazımdır. Sosiallaşmanın xüsusi əhəmiyyəti var. Bu baxımdan bağçanın rolu danılmazdır”.
Xalidə Gəray
Musavat.com
XƏBƏR LENTİ
04 Aprel 2025
03 Aprel 2025
ŞƏRHLƏRŞƏRH YAZ