Onlayn ictimai-siyasi qəzet
Azərbaycan-Türkiyə Qeyri-Hökumət Təşkilatlarının Əməkdaşlıq Forumu keçirilir
Bakıda Azərbaycan-Türkiyə Qeyri-Hökumət Təşkilatlarının Əməkdaşlıq Forumu keçirilir.
Musavat.com xəbər verir ki, forumda dövlət qurumlarının rəsmiləri, Azərbaycan və Türkiyənin QHT sektorunun nümayəndələri iştirak edirlər.
Azərbaycan-Türkiyə Qeyri-Hökumət Təşkilatlarının Əməkdaşlıq Forumu ilk dəfədir keçirilir və gələcəkdə hər il keçiriləcək. Bunu Qeyri-Hökumət Təşkilatlarına Dövlət Dəstəyi Agentliyinin İcraçı direktoru Aygün Əliyeva deyib: "Forum ölkələr arasında əlaqələrin daha da möhkəmlənməsinə öz töhfəsini verəcək. Bu məqsədlə ənənəvi olaraq hər il Azərbaycan və Türkiyədə bu Forum keçiriləcək".
Prezident Administrasiyasının Qeyri-Hökumət Təşkilatları ilə iş və kommunikasiya şöbəsinin sektor müdiri, Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədr müavini Vüsal Quliyev deyib ki, hər il Qeyri-Hökümət Təşkilatları ilə bağlı qanunvericiliyin təkmilləşdirilməsi üçün Milli Məclisə layihə təklifləri verilir.
O bildirib ki, bu il də müxtəlif təkliflər verilib: "Təkliflər QHT-in qeydiyyat prosesinin sadələşdirilməsi, onların maliyyə əldə etməsi və regionlarda tədbirlərin keçirilməsi və başqa məsələləri əhatə edib".
Nigar Həsənli,
Musavat.com
ƏLAQƏLİ XƏBƏRLƏR
XƏBƏR LENTİ
08 Oktyabr 2024
07 Oktyabr 2024
ŞƏRHLƏRŞƏRH YAZ