Onlayn ictimai-siyasi qəzet
"Azər haqqında keçmiş zamanla danışmaq çox üzücüdür"
Azər Baxşəliyevin vəfatı həm sənət dünyasını, həm də onun yaxınlarını dərin kədərə qərq edib.
Musavat.com xəbər verir ki, məşhur rejissor və aktyor Kənan MM dostu və həmkarı haqqında duyğusal açıqlama verib.
"Onun haqqında keçmiş zamanda danışmaq çox üzücü bir şeydir. Sözlərin, cümlələrin bitdiyi yerdir. Hər zaman üzümüzü güldürən insan sanki bu dəfə bütün gülüşlərin intiqamını aldı. Azər pozitiv, gülərüz, ölümdən qorxmayan insan idi. Son müsahibəsində də demişdi ki, ölümdən o insan qorxar ki, düzgün yaşamır. Heç vaxt əsəbləşmirdi, gərginlikdən uzaq... İndiki dövrdə belə bir insan olmaq asan deyil. Allah rəhmət eləsin!" – deyə Kənan MM bildirib.
Qeyd edək ki, Azər Baxşəliyev 3 iyul 1985-ci ildə anadan olub və "Bozbash Pictures"də yaratdığı obrazlarla tamaşaçıların yaddaşında əbədi iz qoyub. O, ailəsi və sənət dostları tərəfindən həmişə sevilən və dəyərləndirilən bir insan kimi yad ediləcək.
Könül İbrahim
Musavat.com
XƏBƏR LENTİ
10 Yanvar 2025
09 Yanvar 2025
ŞƏRHLƏRŞƏRH YAZ