Onlayn ictimai-siyasi qəzet
AZAL təyyarəsinin "qara qutu"ları Qazaxıstana gətirildi
Aktau yaxınlığında qəzaya uğrayan AZAL sərnişin təyyarəsinin qara qutuları Braziliyadan Qazaxıstana gətirilib və müvafiq dövlət komissiyasına təqdim edilib.
Musavat.com xəbər verir ki, bu barədə Qazaxıstan Baş Prokurorluğu məlumat yayıb.
Prokurorluğun verdiyi açıqlamaya görə, avia qəza baş verən gün hadisəni araşdırmaq üçün dövlət komissiyası yaradılıb. "Təyyarənin qara qutularının deşifrə edilməsi həmin komissiyanın səlahiyyətlərinə daxildir", - deyə açıqlamada qeyd olunub.
Araşdırmaların tam və əhatəli olması üçün lazımi istintaq-əməliyyat tədbirlərinin həyata keçirildiyi bildirilib. Bundan əlavə, beynəlxalq hüquqi əməkdaşlıq çərçivəsində Azərbaycan Respublikasına və Rusiya Federasiyasına istintaq tapşırıqları göndərildiyi vurğulanıb.
Qara qutuların təhlili nəticəsində qəzanın səbəblərinin aydınlaşdırılması gözlənilir. Beynəlxalq əməkdaşlıq çərçivəsində aparılan bu araşdırmalar aviasiya təhlükəsizliyinin təmin edilməsi baxımından mühüm əhəmiyyət kəsb edir.
Hadisə ilə bağlı təhlillərin yaxın həftələrdə başa çatacağı və ictimaiyyətə ətraflı məlumat veriləcəyi gözlənilir.
Musavat.com
XƏBƏR LENTİ
15 Yanvar 2025
ŞƏRHLƏRŞƏRH YAZ