Onlayn ictimai-siyasi qəzet
Ayk Mamicanyan: Avropa İttifaqına üzvlüklə bağlı insanları aldadırlar
Ermənistanın müxalifətdə olan “Mənim Şərəfim Var” fraksiyası Avropa Birliyinə üzvlüklə bağlı qanun layihəsi ilə əlaqədar müzakirələrə qatılmır.
Musavat.com erməni mediasına istinadən xəbər verir ki, bunu erməni müxalifətçi deputat, Ermənistan Respublika Partiyasının (sədri Serj Sərkisyan) üzvü Ayk Mamicanyan deyib.
Onun sözlərinə görə, məsələ parlamentin növbəti 4 günlük iclasının gündəliyinə daxil edildikdən dərhal sonra partiyası öz mövqeyini bildirəcək.
“Amma mən bunun təşəbbüskarı olan siyasi qurumların xalqa qarşı dürüst olmalarını və Aİ-dən faktiki olaraq heç bir müsbət reaksiyanın olmadığını birbaşa demələrini gözləyirəm. Avropa Parlamentinin bir neçə üzvü istisna olmaqla, Ermənistanı hələ heç kim Aİ-yə dəvət etməyib. Mən gözləyirəm ki, təşəbbüskarlar ümid satdıqlarını və cəmiyyətimizi çaşdırmağa çalışdıqlarını etiraf etsinlər,” - deyə Mamicanyan qeyd edib.
Musavat.com
XƏBƏR LENTİ
23 Yanvar 2025
ŞƏRHLƏRŞƏRH YAZ