Onlayn ictimai-siyasi qəzet
Ayağı sınan Marandiçin meydanlara qayıdacağı tarix bəlli oldu
"Turan Tovuz" klubunun ayağı sınan futbolçusu Denis Marandiç təxminən üç ay sonra məşqlərə başlayacaq.
Musavat.com xəbər verir ki, bunu Oxu.Az-a açıqlamasında "Turan Tovuz" klubunun mətbuat katibi Süleyman Tağızadə bildirib.
"Denis Marandiçin sağalma prosesi təxminən üç ay davam edəcək. Bu müddət ərzində futbolçu ayağını yerə qoya bilməz. Marandiç bu müddət ərzində çəliklə gəzəcək. O, həmin period başa çatdıqdan sonra bərpa prosesinə başlayacaq. Daha sonra müalicəsinə yüngül hərəkətlərlə davam ediləcək", - S.Tağızadə deyib.
Mətbuat katibinin sözlərinə görə, futbolçu təxminən mart ayında komandanın düşərgəsinə qayıdacaq.
Qeyd edək ki, "Turan Tovuz" klubunun futbolçusu Denis Marandiç Azərbaycan Kubokunun 1/8 finalının "Sabah"la oyununda Pavol Safranko ilə mübarizə zamanı ayağı sındığı üçün meydanı tərk edib.
XƏBƏR LENTİ
14 Dekabr 2024
13 Dekabr 2024
ŞƏRHLƏRŞƏRH YAZ