Onlayn ictimai-siyasi qəzet
ABŞ-də demokrat merə qarşı korrupsiya araşdırması başladıldı
ABŞ Ədliyyə Nazirliyi Vaşinqton şəhərinin demokrat meri Muriel Bouzerə qarşı korrupsiya ittihamı ilə araşdırma başladıb.
Musavat.com The New York Times-a (NYT) istinadən xəbər verir ki, araşdırma merin Qətər tərəfindən maliyyələşdirildiyi bildirilən səfəri ilə bağlıdır. Mənbələrə görə, araşdırma bir neçə aydır davam edir və seçki kampaniyasının maliyyələşdirilməsi qanunlarının və korrupsiyaya qarşı mübarizə qanunvericiliyinin potensial pozuntuları ilə əlaqədardır. Rüşvət ittihamlarının irəli sürülməsi üçün merin Qətər adından hərəkət edib-etmədiyini müəyyən etmək lazımdır. Qəzet qeyd edir ki, buna dair hələlik heç bir dəlil yoxdur.
Meriya NYT-yə istintaqdan xəbərsiz olduğunu bildirib: "Bu, işgüzar səfər idi. Vaşinqton rəsmiləri Vaşinqtonu investisiya və inkişaf üçün bir məkan kimi tanıtmaq məqsədilə belə səfərləri müntəzəm olaraq həyata keçirirlər".
Bouzer 2015-ci ildən bəri Vaşinqtonun meri vəzifəsində çalışır. 2023-cü ildə o və dörd işçisi BMT-nin iqlim konfransında iştirak etmək üçün Dubaya səfər edib. Səfərin ABŞ Merlər Konfransı tərəfindən maliyyələşdirildiyi elan edilib. Daha sonra məlum olub ki, təşkilat BƏƏ-yə səfəri yalnız qismən maliyyələşdirib və Vaşinqton lideri Dubaya Dohadan gəlib.
"New York Times" qəzeti iddia edir ki, Qətər Bouzerin Dohaya səfərinə 61.000 dollardan çox ianə edib.
Bouzerlə ABŞ prezidenti Donald Tramp arasındakı münasibətlər bu yay Amerika liderinin cinayətkarlıqla mübarizə aparmaq üçün paytaxta Milli Qvardiya qoşunlarını yerləşdirmək qərarı səbəbindən pisləşib.
Musavat.com
ƏLAQƏLİ XƏBƏRLƏR
XƏBƏR LENTİ
07 Noyabr 2025
ŞƏRHLƏRŞƏRH YAZ