Onlayn ictimai-siyasi qəzet
Avropada qazın qiyməti 500 dolları keçdi
Avropada müşahidə olunan soyuq havalar qaza tələbatı artırıb.
Musavat.com xarici agentliklərə istinadən xəbər verir ki, Mərkəzi və Şərqi Avropanın çox hissəsinə sıfırdan aşağı temperatur gətirən soyuq cəbhə Almaniya və Fransanın cənub bölgələrinə təsir edib. Meteoroloqlar Norveç, İsveç, Polşa, Slovakiya və Serbiya üçün qar yağacağına dair sarı xəbərdarlıq edib. Noyabrın 18-dən sonra regionun əksər hissəsində sıfırdan yuxarı temperaturun qayıdışı gözlənilir, lakin artıq noyabrın 20-dən etibarən Avropaya şərqdən yeni soyuq hava dalğası nüfuz edəcək.
Avropada külək stansiyalarından (SES) elektrik enerjisi istehsalı sabitdir. WindEurope məlumatları göstərir ki, 13 noyabr 2024-cü il tarixinə külək elektrik stansiyaları Avropada istehsal olunan bütün elektrik enerjisinin 14,3 faizini təmin edib. Gas Infrastructure Europe-nin statistikasına görə, 12 noyabr 2024-cü il tarixinə Aİ-də yeraltı qaz anbarları (UGS) 92,58 faiz dolu olub, onlarda 100,24 milyard kubmetr qaz var. Gün ərzində yeraltı qaz anbarlarının doluluq səviyyəsi 0,46 faiz bəndi azalıb (bir gün əvvəl - 0,28 faiz bəndi). Portuqaliya və İsveç istisna olmaqla, bütün Aİ ölkələri yeraltı qaz anbarlarından qaz götürüblər.
Avropada qazın qiyməti 500 dolları səviyyəsini keçib. Noyabrın 14-də TTF mərkəzi (Niderland) üzrə dekabr ayı qaz fyuçersləri əvvəlki günün hesablaşma qiyməti ilə müqayisədə 3,88 faiz artaraq 507,3 ABŞ dolları səviyyəsində ticarət edilib.
Musavat.com
XƏBƏR LENTİ
26 Noyabr 2024
25 Noyabr 2024
ŞƏRHLƏRŞƏRH YAZ