Onlayn ictimai-siyasi qəzet
Amerikalı konqresmendən ağlasığmaz hərəkət
ABŞ Konqresinin Nümayəndələr Palatasının üzvü, qatı ermənipərəst siyasətçi Adam Şiff qondarma “DQR”in müstəqilliyinin tanınması ilə bağlı qətnamə layihəsini Konqresə təqdim edib.
Musavat.com erməni mediasına istinadən xəbər verir ki, bu barədə konqresmen Adam Şiff özü məlumat yayıb.
Onun sözlərinə görə, qətnamə layihəsində təkcə qondarma “DQR”in “müstəqilliyinin” tanınması deyil, həm də Azərbaycana qarşı sanksiyaların tətbiqi nəzərdə tutulur. Sənəddə “Laçın dəhlizinin davam edən blokadası”ndan bəhs edilir, Azərbaycanın Ermənistan və Dağlıq Qarabağa “əsassız hücumları”ndan danışılır, rəsmi Bakıdan Ermənistan və qondarma “DQR”ə ilkin şərt olmadan hücumlara son qoymağa çağırılır.
Layihədə həmçinin Azərbaycana hərbi yardımın dayandırılması, rəsmi Bakının istənilən hücumunun sanksiyalara və digər cavab tədbirlərinə səbəb olacağı barədə müddəa yer alıb.
Musavat.com
XƏBƏR LENTİ
07 Oktyabr 2024
ŞƏRHLƏRŞƏRH YAZ