Onlayn ictimai-siyasi qəzet
Almaniya Ukrayna Ordusuna hərtərəfli dəstəyi genişləndirməyə hazırdır - Merz
Almaniya Ukrayna üçün təhlükəsizlik təminatları çərçivəsində Ukrayna Silahlı Qüvvələrinin maliyyələşdirilməsini, silah təchizatını və təlimini genişləndirməyə hazırdır.
Musavat.com xəbər verir ki, bu məlumatı Almaniya Nazirlər Kabinetinin rəsmi nümayəndəsi Stefan Kornelius “könüllülər koalisiyasının” videokonfrans iclasının yekunları ilə jurnalistlərə açıqlayıb.
Onun sözlərinə görə, Berlin mümkün hərbi missiyada iştirakla bağlı qərarını çərçivə şərtləri dəqiqləşdirildikdən sonra müvafiq vaxtda qəbul edəcək. İclasda kansler Fridrix Merz də iştirak edib: "Kansler vurğuladı ki, avropalılar öz gündəmlərinə diqqət yetirməyə davam etməlidirlər". Merzin sözlərinə görə, bu gündəm Zelenskinin iştirakı ilə atəşkəs haqqında razılığın əldə edilməli olduğu sammitin keçirilməsinə yönəldilməlidir. Belə bir qərardan sonra avropalılar Ukraynanın təhlükəsizlik zəmanətlərinə “əhəmiyyətli töhfə verməyə hazırdırlar” və Merz “Almaniyanın onlarda iştirak edəcəyinə” əmindir. Merzin fikrincə, Ukrayna silahlı qüvvələrinin maliyyələşdirilməsi, silahlanması və təlimi məsələlərinə də diqqət yetirilməlidir: “Almaniya hökuməti bunu genişləndirməyə hazırdır”.
Kansler qeyd edib ki, çərçivə şərtlərinin dəqiqləşdirilməsi ABŞ-ın iştirakından və danışıqlar prosesinin nəticələrindən asılıdır. Merz xatırladıb ki, “milli mandatla bağlı qərarı Bundestaq verir”. O, həmçinin vurğulayıb ki, Almaniya “könüllülər koalisiyası”ndakı tərəfdaşları ilə birlikdə Kiyevi dəstəkləməyə davam edəcək.
Musavat.com
XƏBƏR LENTİ
04 Sentyabr 2025
ŞƏRHLƏRŞƏRH YAZ