Onlayn ictimai-siyasi qəzet
ABŞ Rusiyaya görə Çinə sanksiyalar TƏTBİQ EDİR
Amerika Birləşmiş Ştatları bəzi Çin banklarını qlobal maliyyə sistemindən kəsə biləcək sanksiyalar hazırlayır.
Musavat.com xəbər verir ki, bu barədə “The Wall Street Journal” (WSJ) mənbələrə istinadən yazıb.
Nəşrin məlumatına görə, Vaşinqton ümid edir ki, bu, Pekini Rusiya hərbi sənayesinə ticarət dəstəyini dayandırmağa məcbur edəcək.
Bildirilib ki, Çin tərəfinin köməyi Moskvaya hərbi-sənaye potensialını bərpa etməyə imkan verib, çünki Pekin Rusiya Federasiyasına elektron sxemlərin, təyyarə hissələrinin, maşın və dəzgahların əsas təchizatçısına çevrilib.
Bununla belə, Amerika rəsmiləri etiraf edirlər ki, diplomatik səylər Pekini Rusiyaya ixracını məhdudlaşdırmağa inandıra bilməsə, banklara qarşı sanksiyaların tətbiqi eskalasiya variantı olacaq.
WSJ-nin məlumatına görə, ABŞ rəsmiləri son həftələrdə şəxsi görüşlərdə və telefon danışıqlarında Pekinə təzyiqləri artıraraq, Vaşinqtonun ikili təyinatlı malların ticarəti ilə məşğul olan Çin maliyyə qurumlarına qarşı tədbir görməyə hazır olduğu barədə xəbərdarlıq ediblər.
Məlumata görə, aprelin 24-də ABŞ dövlət katibi Entoni Blinken Çinə üç günlük səfərə gələcək. Onun səfərindən əvvəl Amerika və Çin rəsmiləri arasında bir sıra təmaslar, o cümlədən aprelin əvvəlində iki ölkə liderləri arasında telefon danışığı olub. Son həftələr ABŞ Çini Rusiya hərbi-sənaye kompleksinə dəstək verməkdə daha çox ittiham etməyə başlayıb. Blinkenin Çinə səfərinin məqsədlərindən biri Pekini Moskvaya maddi-texniki yardımı dayandırmağa məcbur etməkdir.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ