İnsanlara hürriyət, millətlərə istiqlal!

ABŞ Energetika Nazirliyi neftin qiymətinə dair proqnozunu endirdi

ABŞ Energetika Nazirliyi 2024-cü ildə Brent markalı neftin qiyməti ilə bağlı proqnozunu 3,4 faiz azaldaraq, bir barel üçün 87,79 dollardan 84,15 dollara endirib.

Musavat.com Nazirliyin aylıq hesabatına istinadən xəbər verir ki, qurum 2025-ci ildə Brentin qiymətinin əvvəlki proqnozda olduğu kimi bir barel üçün 85,38 dollar olacağını gözləyir.

Nazirlik bildirir ki, iyunun 2-də keçirilən iclasdan sonra OPEC+ bəyanatları qiymətlərə azaldıcı təsir göstərərək, iyunun 6-da qiymətləri 78 dollara endirib.

Nazirliyə görə, WTI markalı neftin qiyməti 2024-cü ildə 79,7 dollar, 2025-ci ildə isə 80,88 dollar təşkil edəcək.

Bundan əlavə, ABŞ Energetika Nazirliyi 2024-cü il üçün ölkədə neft hasilatı ilə bağlı proqnozunu dəyişməyib və hasilatı sutkada 13,2 milyon barel səviyyəsində gözləyir. 2025-ci ildə ölkədə gözlənilən neft hasilatı həcmi sutkada 13,7 milyon barel səviyyəsində saxlanılıb.

Nazirlik vurğulayır ki, ABŞ-da hasilatın 2023-cü illə müqayisədə artımı (o zaman istehsal həcmi sutkada 12,9 milyon barel idi) əsasən Perm hövzəsi, Eagle Ford formasiyası və Meksikadan dəstəklənəcək.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.11.2024 79

Azərbaycanın turizm imkanları Özbəkistanda sərgilənir
22.11.2024 1889

Dollarla bağlı SON MƏZƏNNƏ - İlk dəfə olaraq bu həddi ÖTDÜ
22.11.2024 416

Azərbaycan qazının satış qiyməti neçə olacaq?

XƏBƏR LENTİ

22 Noyabr 2024

BÜTÜN XƏBƏRLƏR