Onlayn ictimai-siyasi qəzet
ABŞ-da qazın topdansatış qiyməti 1997-ci ildən bəri ən aşağı həddə düşüb
2024-cü ilin birinci yarısında ABŞ-da topdansatış qaz qiymətləri rekord aşağı səviyyəyə düşüb.
Musavat.com xəbər verir ki, bu məlumat ABŞ Energetika Nazirliyinin Enerji İnformasiya Administrasiyasının (EIA) hesabatında əksini tapıb. Məlumata görə, buna səbəb isti havalar və anbarlardakı böyük ehtiyatlardır.
Hesabatda qeyd olunur ki, Refinitiv Eikon məlumatlarına görə, yanvar-iyun aylarında ABŞ-ın Henry Hub bazarında təbii qazın orta aylıq topdansatış spot qiyməti 20 faiz azalaraq milyon Btu üçün 2,56 dollar olub.
Yanvarda qazın orta qiyməti 3,18 dollar olduğu halda, mart ayında 1,49 dollara düşüb ki, bu da ən azı 1997-ci ildən bəri inflyasiyaya uyğunlaşdırılmış ən aşağı aylıq qiymətdir. Bundan əlavə, 2024-cü ilin fevral-aprel ayları arasında qiymətlər bu aylar üçün rekord səviyyədə ən aşağı qiymət olub. 2023-cü ilin böyük hissəsində qiymətlər ABŞ-da rekord təbii qaz hasilatı, sabit istehlak və nisbətən yüksək ehtiyatlar fonunda azalıb. 2023-cü il mülayim qışla başa çatıb və bu, 2024-cü ilin əvvəlində qiymətlərin daha da azalmasına gətirib çıxarıb.
Musavat.com
XƏBƏR LENTİ
22 Noyabr 2024
ŞƏRHLƏRŞƏRH YAZ