Onlayn ictimai-siyasi qəzet
ABŞ-da bahalaşma: Pasxa yumurtası əvəzinə kartof boyadılar
ABŞ-da quş qripi epidemiyası səbəbindən yumurta qıtlığı və bahalaşma müşahidə olunur.
Musavat.com xəbər verir ki, bu vəziyyət amerikalıları Pasxa bayramı üçün alternativ axtarmağa məcbur edib.
Məlumata görə, quş qripi qış aylarında on milyonlarla toyuğun tələf olmasına səbəb olub. Nəticədə ölkədə yumurta qiymətləri kəskin artıb – fevral ayında on ədəd yumurtanın qiyməti təxminən 6 dollar olub ki, bu da son 10 ilin rekord göstəricisidir.
Qiymət artımı və çatışmazlıq fonunda amerikalılar sosial şəbəkələrdə kreativ həllər axtarmağa başlayıblar. Son zamanlar kartof, soğan və hətta zefir boyama ideyaları populyarlaşır. Bu alternativ üsulları göstərən videolar milyonlarla baxış toplayıb və geniş müzakirələrə səbəb olub.
Ekspertlər hesab edirlər ki, bu tendensiya həm də bayram ənənələrinə fərqli yanaşmanın bir nümunəsidir. ABŞ-da yumurta bazarındakı vəziyyətin necə dəyişəcəyi isə hələ ki, qeyri-müəyyəndir.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ