Onlayn ictimai-siyasi qəzet
“525-ci qəzet” 32 yaşında...
Bu gün “525-ci qəzet”in yaranmasından 32 il ötür.
Musavat.com xəbər verir ki, 1992-ci il 17 noyabrda ilk dəfə Rəşad Məcidin təsisçiliyi ilə nəşrə başlayan qəzetin adının seçilməsi maraqlı olub.
Belə ki, qəzeti öncə “Sabah”, “2x2” adı ilə çap etdirmək istəsələr də, hər iki adda başqa nəşrin qeydiyyatdan keçdiyi məlum olub. Ona görə də rəhbərlik yeni ad fikriləşməli olub. Bu zaman Ədliyyə Nazirliyində qeydiyyatdan keçən 525-ci qəzet olduqlarını öyrənəndə redaktorlar “525-ci qəzet” adını götürməyə qərar veriblər.
1996-ci ilə kimi həftəlik nəşr olunan qəzet, 1996-98-ci illərdə həftədə 3 dəfə çap olunub. 1998-ci ildən isə gündəlik nəşr olunub.
Qəzetin ilk redaktoru Yusif Rzayevdir. Yusif Rzayevdən sonra qəzetə Səbuhi Məmmədli və Yaşar Əliyev redaktorluq ediblər.
“525-ci qəzet”in baş redaktoru Rəşad Məcid 1995-ci ildən qəzetə rəhbərlik edir.
Qəzetin informasiya, siyasət, iqtisadiyyat, mədəniyyət və idman şöbələri fəaliyyət göstərir.
“Yeni Müsavat” Media Qrupu olaraq “525-ci qəzet”ini 32 yaşı münasibətilə təbrik edirik!
XƏBƏR LENTİ
17 Noyabr 2024
ŞƏRHLƏRŞƏRH YAZ