Onlayn ictimai-siyasi qəzet
100 yaşına çatan məşhurlar: Heç biri bahalı müalicə almayıb!
Hollywood ulduzlarından tutmuş dünya liderlərinə qədər bir çox məşhur şəxs yalnız karyeraları ilə deyil, uzun ömürləri ilə də diqqət çəkir.
Musavat.com xəbər verir ki, 100 yaşını tamamlamış və ya bu həddi adlamış 10 tanınmış şəxs, bahalı müalicələr və qeyri-adi pəhrizlər əvəzinə sadə, lakin təsirli vərdişlər sayəsində uzun yaşadıqlarını bildirir.
"Sevdiyiniz işi görün" – Norman Lear (101 yaş)
Tanınmış ssenarist Norman Lear uzun ömrünün sirrini belə izah edib: “Səhərlər oyandığımda sevdiyim işlərlə məşğul oluram. Bu, özümə verdiyim ən gözəl hədiyyədir”.
Tədqiqatlar göstərir ki, işləməyə davam edən yaşlı insanlar, təqaüddə olanlara nisbətən daha sağlam olur.
"Yaxşı həyat yoldaşı seçin" – Jimmy Carter (100 yaş)
ABŞ-ın keçmiş prezidenti Jimmy Carter uzun ömrünü həyat yoldaşı Rozalynn ilə keçirdiyi 77 illik evliliyə bağlayıb: “Yaxşı bir yoldaş insanı həyata bağlayır”.
Alimlər sosial dəstəyin uzunömürlülüyə təsirinin siqaret çəkməmək qədər vacib olduğunu təsdiqləyir.
"Hər gün piyada gəzin" – Bob Hope (100 yaş)
Komediya ustası Bob Hope hər gün 3 kilometr piyada gəzdiyini və bu vərdişi 96 yaşında belə davam etdirdiyini bildirib. Bu, onun ən önəmli sağlamlıq sirri olub.
"Həmişə gülümsəyin" – Dolores Hope (102 yaş)
Dolores Hope-un qızı anasının müsbət və gülümsəyən xarakterinin onun uzun ömrünə səbəb olduğunu deyib.
"Beyninizi məşğul saxlayın" – Olivia de Havilland (104 yaş)
Məşhur aktrisa hər gün çətin krossvordlar həll etdiyini və pozitiv düşüncə ilə yaşadığını bildirib. Tədqiqatlar göstərir ki, beyni aktiv saxlamaq zəka geriləməsinin qarşısını ala bilər.
"Mizah və mərhəmət" – Kirk Douglas (103 yaş)
"Spartak" filminin ulduzu Douglas, uzunömürlülüyün sirrini belə açıqlayıb: “Mizah hissi və insanlara yardım etmək depresiyanı azaldır, bu da həyatı uzadır”.
"Həvəs və məqsəd" – Gloria Stuart (100 yaş)
"Titanik" filmində yaşlı "Rose" obrazını canlandıran Stuart, uzun ömrünün karyerasına olan həvəs və müsbət düşüncə ilə əlaqəli olduğunu bildirib.
"Tarazlı bir həyat" – Kraliça II Yelizaveta (96 yaş)
Kraliça deyirdi: “Həyatı elə yaşayın ki, sanki sabah sizi qırmızı bir avtobus vuracaq”.
Onun sözlərinə görə, qaydalarla boğulmadan, lakin balanslı yaşamaq uzunömürlülük üçün əsas şərtdir.
"Stressdən uzaq" – George Burns (100 yaş)
Komediyaçı Burns stresin uzaq tutulması üçün sevdiyiniz işlə məşğul olmaq və gündəlik fiziki aktivliyi vacib hesab edib.
"Təmiz hava və yaxınlarla vaxt keçirin" – Eva Marie Saint (101 yaş)
Oscar mükafatçısı Saint, açıq havada yürüş, idman izləmək və ailə ilə vaxt keçirməyi uzun ömrün açarı kimi görür.
Nəticə: Uzun yaşamaq üçün möcüzəvi reseptlərə ehtiyac yoxdur. Müsbət düşüncə, fiziki aktivlik, güclü sosial əlaqələr və sevdiyiniz işi görmək — bunlar həm real həyatda, həm də elmi cəhətdən təsdiq olunmuş faktorlardır.
Musavat.com
XƏBƏR LENTİ
12 Iyun 2025
ŞƏRHLƏRŞƏRH YAZ