Onlayn ictimai-siyasi qəzet
Zurabişvili tərəfdarlarına çağırış etdi: “Mən buradayam…”
Gürcüstanın Birinci Kanalı xəbər verir ki, ölkə prezidenti Salome Zurabişvili həlledici günlə bağlı videomüraciət yayıb.
Musavat.com-un məlumatına görə, o, bildirib:
“Sabah (bu gün-M.) saat 10:00-da sizi Orbeliani sarayında gözləyirik və buradan sizə sabahın necə olacağını söyləyəcəyəm”.
Zurabişvilinin sözlərinə görə, o, yaxın günlər üçün planlar barədə ictimaiyyətə məlumat verəcək.
“Orbeliani sarayından salamlar. Mən burdayam, burada gecələyəcəm. Sabah saat 10.00-da sizi Orbeliani sarayının qarşısında gözləyəcəyik və buradan sizə sabahın necə olacağını söyləyəcəyəm. Mən sizə növbəti günlərin necə olacağını və qələbə günlərinin necə olacağını söyləyəcəyəm”, - Zurabişvili bildirib.
Xatırladaq ki, dekabrın 14-də seçicilər komissiyası Mixail Kavelaşvilini Gürcüstanın altıncı prezidenti seçib. İnauqurasiya sabah, dekabrın 29-da baş tutacaq.
Gürcüstanın müxalifəti və hazırkı prezidenti Salome Zurabişvili parlament və prezident seçkilərinin nəticələrini tanımır. Zurabişvili ölkədə yeni parlament seçkiləri keçirilənə qədər mandatını tərk etməkdən imtina edib.
Öz növbəsində Gürcüstanın baş naziri İrakli Kobaxidze dəfələrlə Zurabişvilinin postunu tərk etməli olacağını bildirib.
Musavat.com
XƏBƏR LENTİ
31 Dekabr 2024
30 Dekabr 2024
ŞƏRHLƏRŞƏRH YAZ