Onlayn ictimai-siyasi qəzet
Venesuela prezidenti ABŞ-yə qarşı: "Puerto-Rikonu azad edəcəyik" - VİDEO
Venesuela prezidenti Nikolas Maduro Braziliya əsgərləri ilə Puerto-Rikonu azad edəcəyini bildirib.
Musavat.com xəbər verir ki, Maduro bunu Venesuelada keçirilən Beynəlxalq Dünya Antifaşist Festivalında deyib.
"Şimalın (ABŞ - red.) müstəmləkəçilik planı olduğu kimi, bizim də Simon Bolivarın bizə vəsiyyət etdiyi bir qurtuluş planımız var. Puerto-Rikonun müstəqilliyi hələ də əldə edilməyib və biz buna Braziliya və Abreu y Lima (Braziliyanın hərbi və siyasi tarixi şəxsiyyəti - red.) qüvvələrinə rəhbərlik etməklə nail olacağıq. Lima batalyonu Puerto-Rikonun azad edilməsinə cavabdeh olacaq. Puerto-Rikonun azadlığına az qalıb və biz buna Braziliya qoşunlarının köməyi ilə nail olacağıq!"
Qeyd edək ki, Puerto-Riko 1898-ci ildə İspan-Amerika müharibəsindən sonra ABŞ-nin nəzarətinə keçib. Bu, həmin ilin dekabrında imzalanan Paris Müqaviləsi ilə rəsmi olaraq təsdiqlənib.
Müqaviləyə əsasən, İspaniya Puerto-Riko, Guam və Filippin adalarını ABŞ-yə təhvil verdi və öz suverenliyindən imtina etdi. Bu tarixdən etibarən Puerto-Riko ABŞ-nin "birləşməmiş ərazisi" (unincorporated territory) statusunda qalır.
1900-cü ildə qəbul edilən Foraker Aktı Puerto-Riko üçün mülki idarəetmə yaratdı. Daha sonra, 1917-ci ildə Jones-Shafroth Aktı Puerto-Riko əhalisinə ABŞ vətəndaşlığı verdi, lakin tam siyasi hüquqlar təmin olunmadı.
Afaq,
Musavat.com
XƏBƏR LENTİ
13 Yanvar 2025
ŞƏRHLƏRŞƏRH YAZ