Onlayn ictimai-siyasi qəzet
Ukraynanın vurduğu zavodda görün nələr İSTEHSAL OLUNUR
Xəbər verdiyimiz kimi, Rusiyanın Lipetsk vilayətinin Yelets şəhərindəki “Energiya” zavoduna naməlum pilotsuz təyyarələr hücum edib.
Musavat.com UNİAN-a istinadən xəbər verir ki, yerli sakinlər səmada 10-dan çox partlayış səsi eşitdiklərini bildiriblər.
Rusiya hakimiyyət orqanları zavodda yanğının baş verdiyini, işçi heyətinin təxliyə olduğunu, bir neçə işçinin yaralandığını bildirir.
UNİAN-ın məlumatına görə, hücuma məruz qalan “Energiya” zavodunun məhsulları məşhur “İskəndər” və “Kinjal” raketlərinin istehsalında istifadə olunur.
Müəssisə pilotsuz uçuş aparatları üçün akkumulyatorlar, rabitə sistemləri üçün litium-ion və civə-sink elementləri, tanklar və raket sistemləri üçün simulyatorlar, Rusiya Müdafiə Nazirliyinin ehtiyacları üçün elektrokimyəvi kondensatorlar və avtonom enerji təchizatı üçün işıq-optik enerji qurğuları istehsal edir.
“Energiya” zavodu Rusiya Müdafiə Nazirliyindən əlavə, “Roskosmos”, Rusiya DİN, FTX, FHN və “Qazprom”la da əməkdaşlıq edir.
Musavat.com
XƏBƏR LENTİ
23 May 2025
ŞƏRHLƏRŞƏRH YAZ