Onlayn ictimai-siyasi qəzet
Ukrayna ordusu Kurskda irəliləyib
Ukrayna Silahlı Qüvvələri bu gün Rusiya Federasiyasının Kursk vilayətində daha 1-3 kilometr irəliləyib.
“Report” RBC-Ukraynaya istinadən xəbər verir ki, bu barədə Ukrayna Silahlı Qüvvələrinin baş komandanı Aleksandr Sırski prezident Vladimir Zelenskiyə məlumat yayıb.
Onun sözlərinə görə, döyüşlər davam edir.
“Biz bəzi istiqamətlərdə 1-3 kilometr məsafədə irəliləyirik, həmçinin bütün cəbhə xətti boyunca döyüşlər davam edir, ümumilikdə vəziyyət nəzarət altındadır”, - Sirski bildirib.
O, həmçinin qeyd edib ki, general-mayor Eduard Moskalev artıq Kursk vilayətinin komendantı vəzifəsinin icrasına başlayıb.
"İndi Malaya Loknya bölgəsində döyüşlər gedir, ümid edirəm ki, orada çoxlu əsir götürüləcək", - Sirski əlavə edib.
Qeyd edək ki, artıq 11 gündür Rusiyanın Kursk vilayətində döyüşlər gedir.
XƏBƏR LENTİ
26 Noyabr 2024
ŞƏRHLƏRŞƏRH YAZ