Onlayn ictimai-siyasi qəzet
Ukrayna Milli Qəhrəmanımız Aleksandr Kalyaninovla bağlı QƏRAR VERDİ
Ukraynanın Kropivnitski şəhərində yerləşən Dövlət Aviasiya Akademiyasındakı bir sinif otağı Azərbaycanın Milli Qəhrəmanı, təyyarə qəzasında qəhrəmancasına həlak olan ekipaj üzvü Aleksandr Kalyaninovun adını daşıyacaq.
Musavat.com xəbər verir ki, bu barədə Ukraynanın Azərbaycandakı səfiri Yuriy Husyev özünün “X” platformasında paylaşım edib:
“Ukraynanın Kropivnitskidəki Dövlət Aviasiya Akademiyasındaki sinif otaqlarından birinə Azərbaycanın Milli Qəhrəmanı, Akademiyanın məzunu olan Aleksandr Kalyaninovun adı veriləcək. Bu qərar onun qəhrəmanlığını yad etmək və gələcək nəsil aviasiya mütəxəssislərinə ilham vermək məqsədi daşıyır.
Bu onun şərəfli irsinin yaşadılmasını təmin edəcək”,- deyə səfir paylaşımında bildirib.
Musavat.com bildirir ki, bu gün Azərbaycan Prezidenti İlham Əliyev təyyarə qəzasında həlak olan ekipaj üzvlərinə Azərbaycanın Milli Qəhrəmanı adının verilməsilə bağlı Sərəncam imzalayıb. Kalyaninov Aleksandr Georgiyeviç ölümündən sonra "Azərbaycanın Milli Qəhrəmanı" adını alıb.
Eyni zamanda, Rusiya tərəfindən vurularaq, qəzaya salınan təyyarənin kapitanı Kşnyakin İqor İvanoviç də ölümündən sonra "Azərbaycanın Milli Qəhrəmanı" adına layiq görülüb.
Prezidentin sərəncamında bildirilir ki, onlar və bələdçilər bu ada baş vermiş qəza zamanı xidməti vəzifələrinin yerinə yetirilməsində, sərnişinlərin həyatının xilas edilməsində yüksək peşəkarlıq, şücaət və fədakarlıq göstərdiklərinə görə layiq görülüblər.
Musavat.com
XƏBƏR LENTİ
01 Yanvar 2025
ŞƏRHLƏRŞƏRH YAZ