Onlayn ictimai-siyasi qəzet
Trampın “torpaq alveri” reallaşır: Ağ Evdə konkret maliyyə hesabatları hazırlanır
Musavat.com bildirir ki, ABŞ prezidenti Trampın illər öncəki qalmaqallı arzusu yenidən aktuallaşıb.
“The Washington Post” qəzetinin məlumatına görə, Ağ Ev rəsmiləri hazırda Qrenlandiyanın ABŞ ərazisinə çevrilməsi halında federal hökumətə nə qədər xərc düşəcəyini hesablayır.
Məsələnin detalları ilə tanış olan üç mənbənin bildirdiyinə görə, xərclər hesabatına 58 min nəfər əhalisi olan adada hökumət xidmətlərinin göstərilməsi də daxildir. Bu, Trampın Danimarkanın suveren ərazisi olan Qrenlandiyanı ABŞ-a qatmaq istəyinə yönəlik ilk real addım kimi qiymətləndirilir.
Qeyd edək ki, Trampın bu niyyəti beynəlxalq ictimaiyyətin kəskin tənqidinə səbəb olmuş, Danimarka isə bu ideyanı sərt şəkildə rədd etmişdi. Lakin görünür ki, prezident bu məsələdə israrçıdır və Ağ Evdə onun arzularına uyğun “maliyyə layihəsi” hazırlanır.
Bu təşəbbüs gerçəkləşərsə, ABŞ 2-ci dəfədir ki, Avropa ölkəsindən torpaq alacaq – birincisi 1867-ci ildə Rusiyadan alınan Alyaska idi.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ