İnsanlara hürriyət, millətlərə istiqlal!

Trampın “Qrenlandiya arzusu” Danimarkanı hərəkətə keçirdi: Kral gerbini dəyişdi

Danimarka kralı X Frederik ötən ilin sonunda dövlət rəmzlərindən biri olan kral gerbinin dəyişdirilməsi barədə göstəriş verib.

Musavat.com xarici agentliklərə istinadən xəbər verir ki, gerbin yeni variantında Danimarka Krallığının muxtar vilayətlərinin - Farer adalarının və Qrenlandiyanın simvollarına daha çox diqqət yetirilib.

Britaniyanın “The Guardian” qəzeti gerbin ABŞ-ın yeni seçilmiş prezidenti Donald Trampın Qrenlandiyanı “almaq” istəyi ilə bağlı açıqlamaları fonunda dəyişdirildiyinə diqqət çəkib. Dünyanın ən böyük adası Trampa görə ABŞ-ın təhlükəsizliyini təmin etmək üçün son dərəcə vacibdir. Danimarka hakimiyyəti isə dəfələrlə Qrenlandiya üzərində suverenlikdən imtina etməyəcəklərini bəyan edib.

GERBİ.jpeg (21 KB)

Danimarkada üç aslan təsviri olan dövlət (milli) gerbi və daha mürəkkəb kral gerbi var. Kral gerbi son 200 ildə dördüncü dəfə dəyişdirilib. Bununla belə, son 500 ildə ilk dəfə olaraq ondan üç tacın təsvirləri çıxarılıb. Bu taclar 14-16-cı əsrlərdə mövcud olan Danimarka, Norveç və İsveçin Kalmar İttifaqını təmsil edirdi. Kral X Frederik həmin tacların “artıq aktual olmadığını” hesab edir. Eyni zamanda, gerbin yeni dizaynında muxtar bölgələrin rolunun vurğulanması diqqət çəkir.

Danimarka kralı Yeni il müraciətində də dövlətin birliyindən danışıb. Lakin muxtar Qrenlandiyanın baş naziri İnuit Lal Egede Yeni il nitqində adanın müstəqilliyinin lehinə danışıb.

Qeyd edək ki, Trampın böyük oğlu, kiçik Donald Tramp tezliklə Qrenlandiyanın paytaxtı Nuuk şəhərinə bir günlük səfər etməyi planlaşdırır.

Musavat.com

ŞƏRHLƏRŞƏRH YAZ

Şərh yoxdur

XƏBƏR LENTİ

08 Yanvar 2025

BÜTÜN XƏBƏRLƏR