Onlayn ictimai-siyasi qəzet
Trampdan Putinə ŞOK HƏDƏ! - "Müharibə bitməsə..."
"Mən Rusiyaya zərər vermək istəmirəm. Mən rus xalqını sevirəm və prezident Putinlə həmişə çox yaxşı münasibətim olub... Biz heç vaxt unutmamalıyıq ki, Rusiya İkinci Dünya Müharibəsində qalib gəlməkdə bizə kömək edib, bu prosesdə az qala 60.000.000 insan həyatını itirib".
Musavat.com xəbər verir ki, bu sözləri ABŞ prezidenti Donald Tramp özünün "Truth" sosial şəbəkə hesabında yazıb.
Tramp qeyd edib ki, bütün bunları söyləməklə, iqtisadiyyatı çökməkdə olan Rusiyaya və prezident Putinə çox böyük lütf edir: "İndi sakitləşin və bu gülünc müharibəni dayandırın! Yoxsa, daha da pis olacaq. Tezliklə sövdələşmə əldə etməsək, Rusiyanın ABŞ və digər müxtəlif iştirakçı ölkələrə satdığı hər şeyə yüksək vergilər, rüsumlar və sanksiyalar tətbiq etməkdən başqa yolum qalmayacaq. Mən prezident olsaydım, bu müharibə heç vaxt başlamayacaqdı. Bu müharibəni bitirmək zamanıdır! Biz bunu asan və ya çətin yolla edə bilərik. Asan yol həmişə daha yaxşıdır. Müqavilə bağlamaq vaxtıdır. Artıq heç bir həyat itirilməməlidir".
Toğrul İSMAYIL,
Musavat.com
XƏBƏR LENTİ
22 Yanvar 2025
ŞƏRHLƏRŞƏRH YAZ