Onlayn ictimai-siyasi qəzet
Tramp mübahisəli adanın Mavritaniyaya verilməsinə razılaşıb
ABŞ prezidenti Donald Tramp Böyük Britaniya və Mavritaniya arasında Çaqos arxipelaqının ikincinin suveren ərazisinə verilməsi haqqında sazişi təsdiqləyib.
Musavat.com xəbər verir ki, məlumatı Daily Telegraph qəzeti yayıb.
Nəşr bu qənaətə Böyük Britaniyanın baş naziri Key Starmerin bəyanatından gəlib. Baş nazirin bəyanatında sazişin şərtlərinin təsdiqlənmənin son mərhələsində olduğunu bildirilir: "Hazırda biz Mavritaniya hökuməti ilə sövdələşməni yekunlaşdırmaq və sazişi imzalamaq üçün işləyirik. Mən başa düşdüyüm kimi, hazırkı mərhələdə bu məsələni ABŞ-la müzakirə etdikdən sonra bu, yalnız bizə və Mavritaniya hökumətinə aiddir".
Çaqosun Mavritaniyaya təhvil verilməsi ilə bağlı razılaşma əvvəllər ABŞ prezidenti Co Baydenin administrasiyası tərəfindən təsdiq edilmişdi, lakin Tramp hakimiyyətə gəldikdən sonra müqavilənin ABŞ-ın maraqlarına təsirinin yenidən araşdırılmasını tələb etdi. 1965-ci ildə Böyük Britaniya arxipelaqı ayrıca inzibati vahidə çevirib. 1968-ci ildə Mavritaniya müstəqillik qazanıb, lakin Çaqos Britaniyada qalıb. 1966-cı ildə ABŞ Dieqo Qarsiya adasını icarəyə götürərək orada aviabaza tikib, arxipelaqın bütün sakinlərini isə deportasiya edib.
3 oktyabr 2024-cü ildə Böyük Britaniya hökuməti Hind okeanındakı Çaqos arxipelaqını Mavritaniyaya vermək üçün müqavilə bağladı. Razılaşmanın şərtlərinə görə, Dieqo Qarsiyadakı ABŞ-Britaniya hərbi bazası ən azı növbəti 99 il ərzində mövcud olmağa davam etməlidir. ABŞ-ın milli təhlükəsizlik müşaviri Mayk Uolts sazişi tənqid edərək, bunun Çinə üstünlük verəcəyini bildirib.
Daha əvvəl bildirilmişdi ki, Böyük Britaniya Dieqo Qarsiya adasındakı hərbi bazadan 99 il istifadəyə görə Mavritaniyaya ildə 90 milyon funt-sterlinq (110 milyon dollar) ödəməyi təklif edib. Mavritaniya inflyasiyanı nəzərə alaraq icarə məbləğinə yenidən baxmağı zəruri hesab edir.
Musavat.com
XƏBƏR LENTİ
03 Aprel 2025
02 Aprel 2025
ŞƏRHLƏRŞƏRH YAZ