Onlayn ictimai-siyasi qəzet
Ukrayna dronları Orlovu darmadağın etdi: ardıcıl partlayışlar və yanğınlar, sakinlər şokda - VİDEO
Musavat.com xəbər verir ki, Rusiyanın Orlov şəhəri bu gecə naməlum mənşəli dronların hücumuna məruz qalıb. Şahidlərin sözlərinə görə, səmada 10-dan çox partlayış səsi eşidilib və bu, şəhərdə ciddi təşviş yaradıb.
Məlumata görə, pilotsuz uçuş aparatlarından biri yaşayış binasının həyətinə düşüb. Nəticədə fasad və dam örtüyü zədələnib, pəncərələr sınıb, lakin xoşbəxtlikdən xəsarət alan olmayıb. Digər bir dron isə şəhərdə yerləşən ticarət mərkəzinin yaxınlığına düşərək yanğına səbəb olub. Fövqəladə xidmətlər hadisə yerinə cəlb olunub, alov qısa müddətdə nəzarət altına alınıb.
Orlov şəhəri Rusiyanın Avropa hissəsində, Mərkəzi Federal Dairədə yerləşir və Oryol vilayətinin inzibati mərkəzidir. Moskvanın cənub-qərbində, paytaxtdan təxminən 360 kilometr məsafədə, Oka çayının sahilində salınmış bu şəhərin 300 minə yaxın əhalisi var. Tarixi 16-cı əsrə gedib çıxan Orlov həm mühüm nəqliyyat qovşağı, həm də strateji əhəmiyyətli bölgə kimi tanınır.
Sosial şəbəkələrdə yayılan çoxsaylı videolarda ardıcıl partlayışların səsi, yanğın görüntüləri və yerli əhalinin təlaş dolu reaksiyaları əks olunub. Rusiya rəsmiləri hadisə ilə bağlı hələlik geniş açıqlama verməyib.
MUSAVAT.COM
XƏBƏR LENTİ
30 Avqust 2025
ŞƏRHLƏRŞƏRH YAZ