Onlayn ictimai-siyasi qəzet
Təkcə Bakı yox, regionlar üçün də keçərlidir - Bu şəxslərə MÜJDƏ
Hər il fərqli bir ölkənin ev sahibliyi etdiyi 29-cu "Tərəflərin Konfransı (COP)" noyabrın 11-dən 22-dək Bakıda keçiriləcək. Bakı Olimpiya Stadionunda baş tutacaq beynəlxalq tədbirdə 80-100 min arası şəxsin iştirakı gözlənilir. Azərbaycan bu müddət ərzində müxtəlif ölkələrdən gələn əcnəbi vətəndaşları qonaq edəcək. Tədbir həm turizm, həm də iqtisadi baxımdan ölkəmiz üçün böyük əhəmiyyət kəsb edir.
Sözügedən məsələ ilə bağlı “Yeni Sabah”a açıqlama verən iqtisadçı Əkrəm Həsənov bir çox sahələrin bu prosesdən faydalana biləcəyini vurğulayıb:
“Hesab edirəm ki, bu proses həmin dövrdə Azərbaycanın ictimai iaşə, mehmanxana biznesinə təsir edəcək. Sözügedən təsir sadəcə Bakı yox, regionlar üçün də keçərlidir. Çünki gələn qonaqlar paytaxtla yanaşı, bölgələrimizi də gəzmək istəyəcəklər. Amma bu təsir qısamüddətli olacaq. Bizə lazımdır ki, həmin prosesin təsirini uzadaq. Ölkəmizi müxtəlif vasitələrlə ən yaxşı formada təqdim etməliyik. Bu təqdimat xarici qonaqlara daha sonra yenidən Azərbaycana gəlmələri üçün maraq yaradacaq. Həmçinin, media və televiziya vasitəsilə ölkəmizə gəlməyən, ancaq bizi virtual formada digər ölkələrdən izləyən şəxslərin də diqqətini çəkmək lazımdır”.
Ə.Həsənov bildirib ki, uğurlu olmaq istəyiriksə, burada rəqabət formalaşdırmaq ən yaxşı seçimdir:
“Beynəlxalq tədbirin bu tərəfindən yaxşı mənada istifadə etmək olar. Ancaq sual budur ki, biz bundan faydalana biləcəyikmi? Elə etmək lazımdır ki, bu bir əldən olmasın. Bizdə adətən belə bir şey olanda məmurlar məsələyə qarışır və bunu öz əllərinə alırlar. Nəticədə heç nə edə bilmirlər. Sözügedən prosesdən faydalanmaq və bu işi düzgün qaydada həyata keçirmək üçün rəqabət olmalıdır. Bir neçə şirkət sözügedən məsələ ilə məşğul olmalıdır. Beləliklə, ölkəmizi daha yaxşı formada tanıda bilərik”.
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ