Onlayn ictimai-siyasi qəzet
Şoyqu: “NATO Arktikada aktivliyi artırmağa çalışır”
Rusiya sərhədləri yaxınlığında NATO-nun gücləndirici qoşunları qrupunun sayı 33 min nəfərə qədər, 300-ə yaxın tank və 800-dən çox digər zirehli döyüş maşınıdır.
Musavat.com Rusiya mediasına istinadla xəbər verir ki, bu barədə məlumatı Rusiya müdafiə naziri Sergey Şoyqu Müdafiə Nazirliyinin kollegiyasının iclasında açıqlayıb.
O, həmçinin əlavə edib ki, hazırda Şimali Atlantika Alyansının birgə silahlı qüvvələrinin bir sıra təlimləri keçirilir. “Rusiyanın gözlənilən təcavüzünü dəf etmək üçün onlara 90 minə qədər insan qatılır”, - Şoyqu bildirib.
Nazir İsveçin NATO-ya daxil olmasından sonra Qərb və Şimal-Qərb strateji istiqamətlərində hərbi-siyasi gərginliyin artdığını vurğulayıb.
Bundan əlavə, Şoyqu bildirib ki, Şimali Atlantika Alyansı Arktikada aktivliyi artırmağa çalışır. Onun sözlərinə görə, Qərb ölkələrinin bu cür hərəkətləri Rusiyanı “adekvat cavab tədbirlərindən istifadə etməyə” məcbur edir.
Müdafiə Nazirliyinin rəisi bir müddət əvvəl izah etmişdi ki, NATO-nun şərqə doğru genişlənməsi və blokun Rusiya sərhədləri yaxınlığında yeni hərbi infrastrukturunun tikintisi Leninqrad və Moskva hərbi dairələrinin yenidən yaradılmasına səbəb olub.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ