Onlayn ictimai-siyasi qəzet
SON DƏQİQƏ: Ukraynaya kütləvi RAKET HÜCUMU
Səhər saat 5 radələrində "MiQ-31K" təyyarəsinin havaya qalxması ilə əlaqədar Ukraynada hava hücumu xəbərdarlığı elan edilib.
Musavat.com UNIAN-a istinadən xəbər verir ki, daha sonra Dnepr istiqamətində yüksək sürətli hədəfin hərəkəti qeydə alınıb.
Məlumatda bildirilir ki, Rusiya "Tu-95" bombardmançılarını da havaya qaldırıb.
Saat 5:47-də Ukrayna Hərbi Hava Qüvvələri "X-101" qanadlı raketlərinin Engels bölgəsindən buraxıldığını bildirib.
Ən son məlumatlar:
Saat 7:14: Kremençuq şəhərində partlayışlar barədə xəbərlər yayılıb.
Saat 7:10: Kremençuq istiqamətində raket atılıb.
Saat 7:04: “Vanek” teleqram kanalı raketlərin evlərin üzərindən uçduğunu yazıb.
Saat 7:01: Daha bir raket Mirqorod istiqamətinə atılıb.
Saat 6:59: Şimal-qərb istiqamətindən Mirqoroda doğru raket hərəkəti qeydə alınıb.
Saat 6:54: Çerniqov vilayətindən Poltava vilayətinə doğru raketlər müşahidə edilib.
Saat 6:45: Raketlər istiqamətini dəyişərək Kiyev vilayətinə yönəlib.
Saat 6:42: Ukrayna Silahlı Qüvvələri bildirib ki, şimaldan, Çerniqov vilayəti üzərindən cənuba doğru qanadlı raket hərəkət edir.
Digər qanadlı raketlərin də eyni istiqamət üzrə hərəkət etdiyi bildirilir.
Qara dənizdəki vəziyyət
Ukrayna Hərbi Dəniz Qüvvələrinin məlumatına görə, hazırda Qara dənizdə 24 Rusiya gəmisi mövcuddur. Onlardan 5-i ümumilikdə 28 “Kalibr” qanadlı raketi daşıma gücünə malikdir.
Əlavə məlumatlar:
Teleqram kanalları Rusiyanın raket buraxılışlarının iki dalğa şəklində həyata keçirildiyini bildirib. Kanal əlavə edir ki, bəzi “Tu-95” təyyarələri hazırda Xəzər dənizi üzərində buraxılış mövqelərinə doğru hərəkət edir.
Rusiyanın yeni hücum strategiyası
UNİAN xəbər verir ki, 20 noyabrda Kiyevdə mümkün kütləvi hücum səbəbindən ABŞ, İspaniya, İtaliya və Yunanıstan səfirlikləri müvəqqəti olaraq fəaliyyətini dayandırıb.
Milli Təhlükəsizlik və Müdafiə Şurasının Dezinformasiyaya Qarşı Mübarizə Mərkəzinin rəhbəri Andrey Kovalenko bəyan edib ki, Rusiya Ukraynaya qarşı bir sıra hücumlar üçün böyük həcmdə müxtəlif tipli, o cümlədən ballistik və qanadlı raketlər ehtiyatı toplayıb.
İqbal RZAYEV,
Musavat.com
XƏBƏR LENTİ
21 Noyabr 2024
ŞƏRHLƏRŞƏRH YAZ