Onlayn ictimai-siyasi qəzet
SON DƏQİQƏ! Ceyhun Bayramov Lavrovla Qarabağdan DANIŞDI
Azərbaycanın xarici işlər naziri Ceyhun Bayramov və Rusiyanın xarici işlər naziri Sergey Lavrov arasında telefon danışığı baş tutub.
Bu barədə Musavat.com-a Azərbaycan Xarici İşlər Nazirliyindən bildirilib.
Telefon danışığı zamanı Azərbaycan və Rusiya arasında mövcüd əməkdaşlıq gündəliyi, Azərbaycan və Ermənistan arasında normallaşma prosesi, habelə regionda cari vəziyyət müzakirə olunub.
Ceyhun Bayramov Azərbaycanın Qarabağ bölgəsində yaşayan erməni sakinlərin reinteqrasiyasiyası üzrə dialoqa sadiqliyini, ölkəmizin erməni sakinlərin ehtiyaclarının qarşılanması üçün kompleks tədbirləri davam etdirəcəyini diqqətə çatdırıb.
Azərbaycan ərazilərində qondarma rejimin buraxılması və erməni silahlı qüvvələrinin tərksilahı, habelə Azərbaycan ərazilərindən çıxarılması işinin həyata keçirildiyi, bununla yanaşı, Azərbaycanın Ermənistanla sülh prosesinin irəliləməsində maraqlı olduğu vurğulanıb.
Telefon danışığı zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb.
***
Azərbaycan və Rusiya xarici işlər nazirləri arasında telefon danışığı olub.
Nazirlər - Ceyhun Bayramov və Sergey Lavrov Qarabağdakı vəziyyət, o cümlədən humanitar yardımın göstərilməsi, yerli erməni əhalisinin hüquq və təhlükəsizliyinin təmin edilməsi məsələlərini müzakirə ediblər.
Bakı və İrəvan arasında sülh müqaviləsinin işlənilib-hazırlanması, Ermənistan-Azərbaycan sərhədinin delimitasiyası və nəqliyyat kommunikasiyalarının açılması ilə bağlı 2020-2022-ci illərdə ən yüksək səviyyədə imzalanmış üçtərəfli sazişlər kompleksinin həyata keçirilməsi yolları nəzərdən keçirilib.
Həmçinin ikitərəfli və regional gündəmdə olan bir sıra mövzulara da toxunulub.
Müxtəlif səviyyələrdə gələcək təmaslar barədə razılıq əldə olunub. (APA)
XƏBƏR LENTİ
30 Noyabr 2024
ŞƏRHLƏRŞƏRH YAZ