Onlayn ictimai-siyasi qəzet
Şolts-Putin görüşü ilə bağlı QALMAQAL - Almaniya hökuməti deputatı MƏHKƏMƏYƏ VERİR
Almaniya hökuməti Bundestaqın Xristian Demokrat İttifaqından olan deputatı Roderix Kizevetterə qarşı hüquqi tədbirlər görməyi planlaşdırır.
Musavat.com TASS-a istinadən xəbər verir ki, Kizevetter kansler Olaf Şoltsun yaxın zamanda Rusiya prezidenti Vladimir Putinlə Moskvada görüşəcəyi barədə bəyanat verib.
"Deputat Kizevetterin bu məsələdə etdikləri böhtandır," – deyə Almaniya hökumətinin rəsmi nümayəndəsi Şteffen Hebeştrayt RND redaksiyasına bildirib.
O qeyd edib ki, hazırda hüquqi addımlar hazırlanır.
Hebeştrayt Kizevetter tərəfindən yayılan məlumatları "qəsdən uydurulmuş yalan" adlandırıb.
"Belə bir səfər ümumiyyətlə nəzərdən keçirilmir və onun heç bir məntiqi mənası yoxdur", – deyə hökumət nümayəndəsi vurğulayıb.
Kizevetter cümə günü "X" sosial şəbəkəsində yazıb ki, Almaniyada 23 fevralda keçirilməsi planlaşdırılan növbədənkənar parlament seçkilərindən əvvəl Şoltsun Putinlə görüşmək planları ilə bağlı iddialar artır.
Musavat.com
XƏBƏR LENTİ
10 Yanvar 2025
09 Yanvar 2025
ŞƏRHLƏRŞƏRH YAZ