Onlayn ictimai-siyasi qəzet
Şimali Koreya ilə ABŞ-ı bir-birinə qatan əsgərin aqibəti bəlli oldu -FOTO
İcazəsiz şəkildə hərbisizləşdirilmiş bölgəyə daxil olaraq Şimali Koreyaya keçən ABŞ əsgərinin aqibəti bəlli olub.
Şimali Koreya 23 yaşlı Travis Kinqin saxlanıldığını açıqlayıb.
Qeyd edək ki, Travis Kinq iyulun 18-də Şimali Koreya sərhədini keçərək iki dövlət arasında gərginliyə səbəb olmuşdu.
Travis Kinqin sərhədi keçməzdən bir neçə həftə əvvəl Cənubi Koreyada gecə klubunda əlbəyaxa mübahisəyə qarışdığı üçün həbs edildiyi, üzə çıxmışdı.
2 ay həbsdə qalan Travis iyulun 10-da ABŞ-a təhvil verilib. Sərbəst buraxıldıqdan sonra ABŞ-da hərbi məhkəməyə çıxarılmaq üçün “İncheon” hava limanına aparılan Kinq hərbi polisin onu təyyarəyə qədər müşayiət edə bilməməsini fürsət bilərək hava limanından qaçmağı bacarıb. O, daha sonra Cənubi Koreya ilə Şimali Koreya arasında silahsızlaşdırılmış müştərək təhlükəsizlik zonasını əhatə edən tura qatılıb.
Xatırladaq ki, ABŞ hökuməti 2017-ci ildə öz vətəndaşlarına Şimali Koreyaya getməyi qadağan edib və bu qadağa hələ də qüvvədədir.
Şimali Koreya həbsxanalarında ABŞ vətəndaşları ilə pis rəftar edildiyi bildirilir.//Ölkə.Az
XƏBƏR LENTİ
05 Oktyabr 2024
ŞƏRHLƏRŞƏRH YAZ