Onlayn ictimai-siyasi qəzet
Sensasiya: Putin Ukrayna ilə "dost ola bilmənin" ƏSAS ŞƏRTini açıqladı - VİDEO
Musavat.com xəbər verir ki, Rusiya Prezidenti Vladimir Putin, Valday Diskussiya Klubunun iclasında çıxışı zamanı Ukraynaya dair sensasiya sayıla biləcək açıqlamalar verib. O deyib ki, Rusiya Ukraynanın sərhədlərini onun neytral statusunu nəzərə alaraq tanıyıb.
Putin Ukraynanın neytral statusunun Rusiya üçün prinsipial əhəmiyyət kəsb etdiyini vurğulayıb.
Musavat.com "Kommersant"ın yaydığı məlumata istinadla yazır: "Putin qeyd edib ki, Ukrayna rəhbərliyi sonradan konstitusiyanı dəyişdirərək ölkənin NATO-ya üzv olmaq niyyətini bəyan edib. Bu dəyişikliklər əvvəlki razılaşmalara zidd olub və Rusiya ilə Ukrayna arasındakı münasibətlərə mənfi təsir göstərib".
Rusiya lideri əlavə edib ki, Ukraynanın neytral, bloklara qoşulmayan və nüvə silahından azad statusu Rusiya üçün sülh prosesinin ƏSAS şərtlərindən biridir. O, həmçinin, Ukrayna Silahlı Qüvvələrinin yeni Rusiya regionlarının inzibati sərhədlərindən tamamilə çıxarılmasını tələb edib.
Putin, Ukraynanın neytral statusunun təmin edilməsinin Rusiya-Ukrayna münasibətlərində uzunmüddətli sabitliyin və təhlükəsizliyin təmin olunmasında mühüm rol oynayacağını bildirib. O, həmçinin, Rusiya ilə Ukrayna arasında dostluq münasibətlərinin bərpası üçün neytral statusun vacibliyini vurğulayıb.
Musavat.com -a görə, bu açıqlamalar, Rusiya və Ukrayna arasındakı gərginliyin azaldılması və sülh prosesinin irəliləməsi üçün neytral statusun əhəmiyyətini bir daha gündəmə gətirir. Ukrayna tərəfi isə öz suverenliyini və ərazi bütövlüyünü qorumaq üçün beynəlxalq dəstəyi davam etdirir.
Musavat.com həmin çıxışa dair kiçik bir video parçanı da təqdim edir.
Musavat.com
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ