Onlayn ictimai-siyasi qəzet
Şəbnəm Tovuzlunu məhkəməyə verən Şəbnəm Tapdıqdan efirdə barışıq cəhdi - VİDEO
Həmkarı və adaşı Şəbnəm Tovuzlu ilə dalaşıb onu "Dünyasını dəyişmiş anam Şəbnəm Tapdıqla rəfiqə imiş" sözlərinə görə məhkəməyə verən müğənni Şəbnəm Tapdıq efirdə barışığa cəhd göstərib.
Hadisə sənətçinin qonaq olduğu "Elgizlə izlə" ictimai-sosial verilişinin canlı yayımında yaşanıb.
Sözügedən proqramda Tovuzlunu məhkəməyə verdiyi olaya görə ekspertlərin tənqidi ilə üzləşən Tapdıq geri addım atıb.
Belə ki, əlinə mikrofon alan Şəbnəm Tapdıq ayağa qalxaraq qarşı tərəflə barışmaq istədiyini vurğulayıb:
"Mənim o qıza (Şəbnəm Tovuzlunu nəzərdə tutur - red.) yaşadığı taleyi və həyatına görə rəhmim gəlir. Məhkəmə məsələsinə artıq nöqtə qoyulub. Onu efir vasitəsi ilə öpürəm, qoy sakit otursun. Allah onun atasına kömək olsun. Lazim olsa onu bu verilişə də gətirərsən. Gör bu adam məni nə qədər çox istəyib ki, öz adını (Şəbnəm Tapdıq iddia edir ki, Şəbnəm Tovuzlunun əsl adı Aygündür) kənara qoyub, mənim adımı özünə götürüb (ağlayır). Ürəyim yuxadır. Hər zaman Şəbnəm Tovuzlunu görəndə əlimi onun boynuna sarımışam, məni ağlamaq tutub. Məndən aslı deyil". (bizim.media)
XƏBƏR LENTİ
26 Noyabr 2024
25 Noyabr 2024
ŞƏRHLƏRŞƏRH YAZ