Onlayn ictimai-siyasi qəzet
Rusiya strateji əraziləri ƏLƏ KEÇİRİR - Pokrovsk və Mirnoqrad TƏHLÜKƏDƏ
Donetsk vilayətinin Pokrovsk şəhərində Rusiya qüvvələrinin toplanması davam edir.
Musavat.com xəbər verir ki, bu barədə "DeepState" məlumat yayıb.
Layihənin analitiklərinə görə, bütün şəhərdə düşmənin davamlı hərəkəti və döyüşləri qeydə alınır.
Qeyd olunur ki, Rusiya qoşunları artıq Pokrovskın bir neçə rayonu üzərində nəzarəti ələ keçirib, mövqelər və hazırlıq zonaları qurublar. Bundan əlavə, ruslar şəhərin dərinliyinə tədricən irəliləmək üçün logistika qurublar.
Analitiklərə görə, Ukrayna qüvvələri təmizləmə əməliyyatları aparmağa və bütün mövcud vasitələrlə rusları məhv etməyə davam edir, dron operatorları isə bu əməliyyatlarda əsas rol oynayır.
Hesabatda həmçinin bildirilir ki, Rusiya qoşunları Pokrovsk və Qrişino arasındakı əraziyə nəzarəti ələ keçirməyə çalışır. Bu ərazi şəhərin təchizat xətləri üçün strateji əhəmiyyət kəsb etdiyindən, orada xüsusi bölmələr tərəfindən intensiv döyüş və təmizləmə əməliyyatları davam edir.
"Lakin bu, düşmənin daha da irəliləməsinin qarşısını almaq üçün onu cənub kənarında bloklamaq problemini həll etmir. Rusiya qoşunlarının artıq mövqelər qurduğunu və möhkəmləndirdiyini nəzərə alsaq, bu fürsət faktiki olaraq itirilib", - deyə "DeepState" analitikləri qeyd edirlər.
Onların qiymətləndirməsinə görə, Pokrovskdakı vəziyyət kritik olaraq qalır. Qonşu Mirnoqrad da təhlükə altındadır.
"Əgər Pokrovsk tədricən ələ keçirilərsə, Mirnoqrad faktiki olaraq "xarici" dünyadan təcrid olunacaq və itirilməsi ən ağrılı hadisələrdən biri olacaq", - "DeepState"in hesabatında deyilir.
Musavat.com
XƏBƏR LENTİ
05 Noyabr 2025
ŞƏRHLƏRŞƏRH YAZ