Onlayn ictimai-siyasi qəzet
Rusiya gecə boyu Ukrayna şəhərlərinə kütləvi hücum etdi: ölən və çoxsaylı yaralılar var
Rusiyanın gecə saatlarında Ukraynanın bir sıra şəhərlərinə endirdiyi raket və dron hücumları nəticəsində dağıntılar və yanğınlar baş verib.
Musavat.com xəbər verir ki, məlumata görə, Lutsk və Çerkassıda partlayışlar qeydə alınıb, yanğınlar başlayıb.
-
Dnepr və Pavloqradda infrastruktur obyektləri və bir sıra yaşayış evləri zədələnib. Dneprdə fərdi evlərə də ciddi ziyan dəyib.
-
Zaporojyedə sənaye müəssisəsi, 14 çoxmərtəbəli bina və 40-dan çox fərdi ev dağıntıya məruz qalıb. Son məlumata görə, 1 nəfər həlak olub, 22 nəfər yaralanıb.
-
Kiyev vilayətində dəmir yolu infrastrukturu zədələnib. Bu səbəbdən bir sıra qatarların hərəkətində gecikmələr yaşanır, bəzi reyslər 2 saatdan çox ləngiyir.
-
Xmelnitski vilayətində partlayış səsləri eşidilib, hava hücumundan müdafiə sistemi işləyib. Dağıntı və tələfat barədə məlumat daxil olmayıb.
Ukrayna rəsmiləri hücumların nəticələrinin qiymətləndirildiyini, xilasedici xidmətlərin isə dağıntılar altında qalan insanları axtardığını bildirirlər.
Musavat.com
XƏBƏR LENTİ
31 Avqust 2025
30 Avqust 2025
ŞƏRHLƏRŞƏRH YAZ