Onlayn ictimai-siyasi qəzet
Roma Papası İran və İsrailə ÇAĞIRIŞ ETDİ
Papa I Fransisk Yaxın Şərqdə “zorakılıq spiralını” alovlandıra və regionda daha genişmiqyaslı müharibəyə səbəb ola biləcək hər hansı hərəkəti dayandırmağa çağırıb.
Musavat.com xəbər verir ki, onun açıqlamasını "Vatican News" yayıb.
Papa, “son saatlarda İranın müdaxiləsindən sonra İsraildə vəziyyətin pisləşməsi ilə bağlı xəbərləri” “dua və narahatlıq, hətta kədərlə” izlədiyini söyləyib.
"Heç kim başqalarının varlığını təhdid etməməlidir və bunun əvəzində bütün xalqlar israillilərə və fələstinlilərə iki dövlətdə, yan-yana, təhlükəsizlik şəraitində yaşamağa kömək etməklə "sülh tərəfdarı olmalıdırla. Bu, onların dərin və qanuni istəyidir və bu onların haqqıdır”,-deyə Papa I Fransisk bildirib.
Eyni zamanda, Papa Qəzzada atəşkəs və "danışıqlar yolunda həlledici irəliləyiş" çağırışını təkrarlayıb. O, “insani fəlakətə düçar olmuş” Qəzza xalqının əzablarını xatırladaraq, onların əzablarını yüngülləşdirmək üçün hər cür səy göstərməyə çağırıb.
Musavat.com
XƏBƏR LENTİ
27 Dekabr 2024
ŞƏRHLƏRŞƏRH YAZ