Onlayn ictimai-siyasi qəzet
Ramzan Kadırovun qızı Çeçenistanın baş nazirinin müavini oldu
Çeçenistan lideri Ramzan Kadırovun 25 yaşlı qızı Ayşat Kadırova baş nazirin müavini təyin olunub.
Musavat.com xarici agentliklərə istinadən xəbər verir ki, Ramzan Kadırov bu təyinat barədə özünün Telegram kanalında yazıb.
Ayşat Kadırova indiyədək Çeçenistanın Mədəniyyət Nazirliyinə rəhbərlik edib. Bu ilin sentyabrında isə Putin onu II dərəcəli “Vətən qarşısında xidmətlərinə görə ordeni” ilə təltif edib.
Xanım Kadırova həmçinin “Firdavs” İslam moda evinin və alt paltarı mağazalarının sahibidir.
Qeyd edək ki, bu il fevralın 2-də Kadırovun 26 yaşlı qardaşı oğlu Həmzət Kadırov Çeçenistanın Torpaq və Mülkiyyət Münasibətləri Naziri olub.
“Mən kimə güvənirəmsə, onu təyin edirəm”, – Kadırov həmin təyinatı belə şərh edib.
Musavat.com
XƏBƏR LENTİ
03 Oktyabr 2024
ŞƏRHLƏRŞƏRH YAZ