Onlayn ictimai-siyasi qəzet
Qazaxıstan “spisat” elədiyi Sovet qırıcılarını ABŞ-a satıb? - QALMAQAL
ABŞ Qazaxıstandan Sovet dövründən qalma 81 döyüş təyyarəsi alıb.
Musavat.com xəbər verir ki, bu barədə “Kyiv Post” məlumat yayıb.
Məlumatda qeyd olunur ki, aviasiya parkını yeniləyən Qazaxıstan hərracda Sovet dövründən qalma 117 qırıcı və bombardmançı, o cümlədən 1970-ci illərə aid MiQ-31 qırıcıları, MiQ-27 qırıcı-bombardmançıları, 1980-ci illərə aid MiQ-29 qırıcıları və Su-24 bombardmançıları satıb. Elan edilmiş satış qiyməti bir milyard Qazaxıstan təngəsi və ya 2,26 milyon dollar olub: “Birləşmiş Ştatlar 81 köhnəlmiş döyüş təyyarəsi alıb... ABŞ-ın onları almasının səbəbi açıqlanmır, lakin biz onların Ukraynada potensial istifadə imkanlarının olduğunu qeyd edə bilərik. Alış offşor şirkətlər vasitəsilə həyata keçirilib”.
Analitiklərin fikrincə, Ukraynanın sovet dövründən qalma silahlardan asılılığını nəzərə alsaq, təyyarələr ehtiyat hissələri mənbəyi kimi xidmət edə bilər və ya strateji baxımdan aerodromlarda diqqətyayındırıcı kimi yerləşdirilə bilər.
Qazaxıstanda köhnə təyyarələrin satışı üzrə hərracı keçirən “Kazspecexport” dövlət müəssisəsi bildirib ki, Qazaxıstanın sovet qırıcılarını istismardan çıxarmaq üçün satması və sonradan ehtiyat hissələri üçün Ukraynaya verilə biləcəyi barədə məlumatlar həqiqətə uyğun deyil.
Şirkət vurğulayır ki, “məcburi ləğv edilmək şərti ilə hava gəmilərinin satışı üzrə tender” Qazaxıstanda qeydiyyatdan keçmiş hüquqi şəxslər və müvafiq lisenziyaya uyğun olaraq qanunvericiliyə uyğun keçirilib. “Kazpetsexport” əlavə edib ki, xarici şirkətlərin tenderə buraxılmasına icazə verilməyib: “Təkrar emal prosesi tamamilə balans sahibləri tərəfindən idarə olunur. Bağlanmış müqavilələrin şərtlərinə uyğun olaraq, bütün hava gəmiləri, onun üçün komponentlər və komplektlər kəsmə (kəsmə, əzmə) və onların ilkin vəziyyətinə qaytarılmasını istisna edən digər üsullarla balans sahiblərinin ərazisində utilizasiya ediləcək və ərazidən yalnız əlvan metal qırıntıları şəklində çıxarılacaq”.
Sosial şəbəkələrdə yayılan məlumata əsasən tenderdə avadanlıqların xarici iddiaçıya satışına icazə verilib və utilizasiya öhdəliyinin yerinə yetirilməməsinə görə cərimə nəzərdə tutulub ki, bu da avadanlığın saxlanmasına və Ukraynaya verilməsinə şərait yarada bilərdi.
Ötən ilin noyabrında Qazaxıstan Sənaye və Tikinti Nazirliyi 117 qırıcının, o cümlədən Su-24 və MiQ-ların utilizasiya üçün satışa çıxarıldığını bildirmişdi. Avadanlıqların köhnəlməsi səbəbindən artıq istifadə oluna bilməyəcəyi qeyd edilib. Elektron auksion müraciətinə əsasən, təyyarələr 26 oktyabrda satışa çıxarılıb, orada 81 ədəd texnikanın utilizasiya üçün satıldığı bildirilir. Başlanğıc qiyməti 1 milyard tengedən çoxdur.
Ərizədə alıcıya qoyulan tələblərə görə, xarici hüquqi şəxslər təsis sənədlərinin notariat qaydasında təsdiq edilmiş surətlərini qazax və/və ya rus dillərinə notariat qaydasında təsdiq edilmiş tərcüməsi ilə təqdim etməlidirlər. Balans sahibi Almatı vilayətinin Jetıgen şəhərindəki 65229 saylı hərbi hissədir. Elanda hərracın baş tutmadığı bildirilir.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ