Onlayn ictimai-siyasi qəzet
Qazaxıstan da şəkər ixracını dayandırdı
Qazaxıstan hakimiyyəti daxili bazarı təmin etmək üçün 2024-cü il avqustun 31-dək şəkər ixracına müvəqqəti qadağa qoyur.
Musavat.com xəbər verir ki, bu barədə Qazaxıstan hökumətinin mətbuat xidməti xarici ticarət siyasəti və beynəlxalq iqtisadi təşkilatlarda iştirak məsələləri üzrə idarələrarası komissiyanın (İMK) iclasının yekununda məlumat yayıb.
Məlumatdan aydın olur ki, qadağa Avrasiya İqtisadi İttifaqı üzvlərinə də şamil olunur. Bildirilib ki, anbarlardakı şəkər ehtiyatlarının qalığı və Qazaxıstana idxal həcmləri 256 min tona yaxındır. Bu, ölkənin illik tələbatının yarısıdır ki, bu da 500-550 min ton təşkil edir: “Anbarlardakı şəkər və xam qamış ehtiyatı bu gün 136 min ton təşkil edir, 31 avqust 2024-cü ilə qədər Rusiya şəkərinin idxalı üçün nəzərdə tutulmuş kvota ilə birlikdə bu, təxminən 256 min ton olacaq. Qazaxıstanın 2024-cü ilin sonuna qədər emal üçün 300 min ton xam qamışın rüsumsuz idxalı üçün kvotası var”.
Qazaxıstanın kənd təsərrüfatı nazirinin müavini Erbol Tasjurekovun sözlərinə görə, mövcud şəkər ehtiyatı yeni məhsul yığımına qədər şəkərə olan tələbatı ödəməyə kifayət edir: “Yaxın vaxtlarda Qazaxıstan tərəfi ilin sonunadək Rusiya şəkərinin tədarükü üçün kvotanı daha 100 min ton artırmaq üçün rusiyalı həmkarları ilə danışıqlar aparmağı planlaşdırır”.
Bundan əvvəl Rusiya da şəkər ixracına qadağa tətbiq edib.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ