Onlayn ictimai-siyasi qəzet
"Qarabağ"ın avrokubokların püşkatmasında yer alacağı səbət bilindi
"Qarabağ"ın Çempionlar Liqasının püşkatmasında yer alacağı səbət dəqiqləşib.
Qurban Qurbanovun yetirmələri ilk iki təsnifat mərhələsinin püşkatması zamanı səpələnmişlər sırasında olacaq.
Buna Ağdam klubunun UEFA əmsalının yüksək olması imkan verir. Təmsilçimizin göstəricisi 33,000-a bərabərdir.
Çempionlar yolunun I və II təsnifat mərhələlərində oynamaq şansı olan komandalardan yalnız altısı "Qarabağ"dan daha artıq əmsala malikdir. Bu da təmsilçimizə hər iki raundda güclülər səbətində yer almaq imkanı verir.
Qurbanovun komandasının III təsnifat mərhələsində səpələnən 6 klub sırasında yer almaq üçün potensial "altılıq"dan heç olmasa biri ya çempion olmamalı, ya da ilk iki mərhələdə büdrəməlidir. Azərbaycan çempionunun pley-offdakı səbəti isə bütün liqalarda qaliblərin bəlli olması və əvvəlki mərhələlərin nəticələrindən asılıdır.
Yeri gəlmişkən, ilk iki təsnifat mərhələsinin püşkatma mərasimləri iyunun 18-19-da keçiriləcək. (sportinfo.az)
XƏBƏR LENTİ
25 Noyabr 2024
24 Noyabr 2024
ŞƏRHLƏRŞƏRH YAZ