Onlayn ictimai-siyasi qəzet
Putin Ərdoğanın dəvətini QƏBUL ETDİ
Rusiya prezidenti Vladimir Putin Türkiyə lideri Rəcəb Tayyib Ərdoğanın Türkiyəyə səfər dəvətini qəbul edib.
Musavat.com “RİA Novosti”yə istinadən xəbər verir ki, bu barədə Rusiya prezidentinin mətbuat katibi Dmitri Peskov məlumat verib.
“Həqiqətən də Rusiya Prezidentinə dəvət var və o, bu dəvəti minnətdarlıqla qəbul edib”, – deyə Peskov bildirib. O, eyni zamanda Putinin Türkiyəyə səfərinin tarixinin hələ razılaşdırılmadığını qeyd edib.
Ərdoğanın Putini Türkiyəyə dəvət etməsi barədə ilk olaraq 27 fevralda İstanbulda Türkiyə lideri ilə görüşdən sonra Rusiya Federasiya Şurasının sədri Valentina Matviyenko məlumat verib.
Peskov əlavə edib ki, bu həftə Rusiya və Türkiyə prezidentləri arasında heç bir təmas planlaşdırılmır.
“Bu həftə üçün ali səviyyədə planlaşdırılmış heç bir təmas yoxdur”, – deyə Kremlin sözçüsü bildirib.
Musavat.com
XƏBƏR LENTİ
21 Mart 2025
20 Mart 2025
ŞƏRHLƏRŞƏRH YAZ